ஒரு தாயின் கதறல்

நெருப்புக்குள் கண்வைத்தேன் என்

நெஞ்சுக்குள் சொல்வைத்தேன்

கண்முன் நடப்பவற்றை

கடவுளுக்கே சொல்லிவைப்பேன்
* * *

மார்பிலே பாலுமில்லை

வந்தாலும் பிள்ளையில்லை

பானையில் சோறுமில்லை

இருந்தாலும் கொடுக்க ஆக்களில்லை
* * *

ஊரக்கு போவதாற்காய்

எத்தனை நாள் ஏங்கிநின்றேன்

முள் வேலியைத்தாண்டுவதற்கு

எத்தனைநாள் மூச்சுவிட்டேன்
* * *

குளிப்பதற்கு இடமுமில்லை

குளித்துஉடைமாற்ற மறைவுமில்லை

குடிப்பதற்கே தண்ணீர் இல்லை

குந்திவிட்டு கழுவ எங்கேபோவோன்
* * *

பத்தடியில் வீடுதந்தார் அதற்குள்

பத்தபேரைத்தங்கவைத்தார்

படிப்பதற்கும் வசதியில்லை

படிக்கச்செல்ல பிள்ளையில்லை
***

செத்தவர்களை சொல்லவில்லை-அவர்கள்

செத்தனரா தெரியவில்லை

கைதானவர்கள் எங்கு இருப்பர்-அதில்

என் பிள்ளையுண்டா தெரியவில்லை

	Tweet