உயிரை கொடுப்பது

அனைவருக்கும் மேலான 

இறைவன்

அதை அநியாயமாய் பறிப்பது

அந்த இறைவனை கும்பிடும்

மனிதன்

	Tweet

கோவில் கதவு

ஆறுகால பூசையில்லா 

காதல் கோவில் 

பாத கொலுசு 

பூஜை மணியாக 

முத்த துகள்கள் 

தீர்த்த துளியாக

அள்ளிகொடுக்கும் ஆண்டவனாய் 

நீ 

அள்ளி எடுக்கும் பக்தனாய் 

நான்

கோவில் கதவு 

எப்பொழுதும் பூட்டுதான்

	Tweet

அழியாது தமிழின் ஈரம்

எலும்புகள் பொருத்தபட்ட

விலங்கிலும் கேவலமான

உருவங்கள்

மூச்சு விட முயற்சித்தாலும்

துப்பாக்கி முனையில் விசாரிக்கும்

சுதந்திரம்

வீடிருக்கு வேலியிருக்கு

வீட்டுக்குள்ளே யாருமில்லா

குடும்பங்கள்

ஊணமாக்கி முடமாக்கி

ஊர்க்காவலை பலமாக்கும்

ஆட்சியாளர்

உருக்குலைந்த பூமியினை

உக்கிரமாய் காவல்காத்து

அர்த்தம் என்ன

அண்ணனின் பெயருக்கே

அரைவாசி நிதி ஒதுக்கும்

அரசாங்கம்

என்னத்தை சாதித்தாலும்

என்றைக்கும் அழியாது

தமிழின் ஈரம்

	Tweet

ஒரு முறை உன்னுடன் பேசிடவேண்டும்

ஒரு முறை உன்னுடன் பேசிடவேண்டும் 
மறுபடி கண்களை திறந்திடவேண்டும் 
ஒரு பிடி சோற்றினை உண்டிடவேண்டும் - என்
விரல்களை சூப்பியே கை கழுவிடவேண்டும்

	Tweet

விடை ஒன்று சொல்லுங்கள்

அணையாத தீபத்துக்கு

ஒளியாகி நிற்பவர்களே

கருவூலம் இல்லாமல்

கடவுளான ஆண்டவர்களே

இறப்புக்கே தேதி குறித்து

இயற்கையை வென்றவர்களே

மறுபிறப்பொன்று வேண்டுமென்று

மன்றாடி அழுகின்றோம்

எம் மடிமீது உமைவளர்த்தி

தலை கோத நினைகின்றோம்

ஒரு பிடிசோறு ஊட்டிவிட்டு

உம் தாயாக எண்ணுகின்றோம்

விழி மூடி தூங்கினாலும்

உயிர் வாழும் உருவங்களே

ஒரு முறையேனும் கண்திறந்து

ஒரு வார்த்தை சொல்லுங்களேன்

உமைக்காணும் நினைப்போடு

மலர்கொண்டு வந்துள்ளோம்

உம் கல்லறையை கட்டித்தழுவி

கதறி கதறி அழுகின்றோம்

உம்மோடு பேசுகின்றோம்

உமக்கங்கு கேக்கின்றதா

விண்ணோடு கலந்தவர்களே

விடை ஒன்று சொல்லுங்கள்

	Tweet

தெய்வங்கள் இன்று

தெய்வங்கள் இன்று
அங்கங்கள் இழந்து
புகழ் இழந்து போனதால்
மனிதனால் மறந்து
துன்பங்கள் கொண்டு
சோகங்கள் தாங்கி
தன்மாணம் மறந்து
உதவி கேட்க
வைத்துவிட்டான்
 

துப்பாக்கி ஏந்தி
சொந்த மண்ணை காக்கையில்
அக்காக்கள் என்றும்
அண்ணாக்கள் என்றும்
புகழோடு வாழ்த்தி
பொருளாக கொடுத்து
புன்னகைத்த மனிதன்

	Tweet

தமிழ் மூச்சு

மூச்சு விடும் போது

தமிழ் மூச்சாய் இருக்கட்டும்

மூச்சை விடும் போது

தமிழ் மூச்சாய் இருக்கட்டும்

	Tweet

துடிக்கிறது என் இதயம்

செம்புழுதி கால் பதித்து 

சீருடை நாம் அணிந்து 

கை கோர்த்து நடை பழகி 

எம் மண் மீது புரண்டெழும்பி 

பூவரசு இலை பறித்து 

பீ பீ எல்லாம் செய்து ஊதி

வயல் வரப்பில் ஏறும்புகடிக்க 

வாய்க்கால் பக்கம் ஓடி கழுவ 

எட்டுக்கோடு கிளித்தட்டு 

கிட்டிப்புள்ளு கிரிக்கெட்டு

பெட்டை பெடியள் சேர்ந்து விளையாடி 

சிரித்த பொழுது இன்னும் என் நெஞ்சில் 

ஆட்டிலறி குறிவைக்க 

ஆயுதங்கள் வெறிகொள்ள

ஊர் சிதறி ஓடி ஒழிந்து

எட்டு திக்கும் சிதறி வாழ்ந்தோம் 

பனையோரம் குந்தியிருந்து 

பால் குடித்த கிழடுகளும் 

பனை ஓலை பாயிலே 

படுத்துகிடந்த வயதுகளும் 

இன்னும் ஊரில் இருந்து புறு புறுக்க

நாம் மட்டும் ஓடி வந்தோம் தூர தேசம் 

இன்னும் என் காதில் அவலக்குரல் 

இன்னும் என்கண்ணில் சாவின் கோலம் 

இன்னும் என் கால்களில் குருதி சிதறல் 

நினைவுகளில் வந்தாலும் 

மறுபடியும் மண்மிதித்து

வைரவருக்கு மடைபரப்பி 

வயல் இரங்கி அறுவடை செய்ய 

துடிக்கிறது என் இதயம்

	Tweet

தமிழ்

தாயை மறப்பியா
தாய் தந்த பாலை மறப்பியா
தடக்கி விழுந்தாள்தான்
தமிழில் கதைப்பியா

	Tweet

கார்த்திகை தெய்வங்களுக்கு ஒரு கவிதை

கார்த்திகை என்றதும் கண்களில் ஈரம்

மாவீர சொந்தங்களின் கல்லறை ஓரம்

களத்திலே காட்டிய வீரங்கள் எத்தனை – எம்

கண்மணிகள் தூங்கிடும் கல்லறைகள் அத்தனை

தீபங்கள் ஏற்றி பூசைகள் செய்வோம் – எம்

தேசத்தின் புயல்களை நெஞ்சிலே வைப்போம்

கார்திகை நாயகர்களின் கண்களில் எல்லாம்

ஈழத்தின் விடுதலை இலட்சியம் காண்போம்

தலைவனின் வழியில் காளத்திலே நின்று

கனவினை முடிக்கும் தைரியம்கொண்டு

புயலென பாய்ந்து போரினைசெய்தீர்

நெஞ்சிலே பாய்ந்த குண்டினால் மடிந்தீர்   

ஒருமுறை உங்களுடன் பேசிடவேண்டும்

மறுபடி கண்களை திறந்திட வேண்டும்

ஒரு பிடி சோற்றை உண்டிட வேண்டும்

என் விரல்களை சூப்பியே கைகளிவிட வேண்டும்

தெய்வங்களே

ஒருமுறை உங்களுடன் பேசிடவேண்டும்

மறுபடி கண்களை திறந்திட வேண்டும்

ஒரு பிடி சோறை உண்டிட வேண்டும்

என் விரல்களை சூப்பியே கைகளிவிட வேண்டும்

	Tweet

கடவுளுக்கே அன்னையே

சொற்ப காசில்

சோறு திங்கும்

அற்ப வேலையாம்

குப்பை அள்ளுதலை

நித்தம் செய்யினும்

நெஞ்சை நிமித்திடும்

வீரப் பெண் இவள்

உயிரை மதிப்பவள்

உடம்பின் உள்ளே

இதயம் இருக்கும்

இதயத் துடிப்பில்

மனிதம் பிறக்கும்

எச்சங்களை

துச்சம் என

குப்பைக்குள்ளே

கொட்டினாலும்

கண்களிலே

கருணை சேர்த்து

நெஞ்சினிலே

தாய்மை வழிந்து

தன் கைகளாலே

அணைத்தெடுத்து

அம்மாவாகிய

பெண்மையே

நீ

கடவுளுக்கே

அன்னையே

நான் வணங்கிறேன்

உன்னையே

	Tweet

தாயை மறப்பியா

தாயை மறப்பியா

தாய் தந்த பாலை மறப்பியா

தடக்கி விழுந்தால்தான்

தமிழில் கதைப்பியா

	Tweet

இருக்கிறான் எண்டதே எனக்கு போதும்

இனி என்ன செய்ய முடியும்

செய்வதற்கு என்ன இருக்கு

இருந்ததே ஒரே ஒருத்தன்

இப்பொழுது

எங்கே என்று தெரியாது

சேர்ந்து திரிந்தவர்கள்

இருக்கிறான் என்கிறார்கள்

புயலையும் கிளிதெறிந்தவன்

கடலையும் கரைத்து குடித்தவன்

என் கைக்குள்ளேயே வளர்ந்தவன்

என்னையே வளர்த்து விட்டவன்

சீருடை களட்டமுன்னே

சோறு கேட்பவன்

புத்தப்பையை தூக்கி எறிந்தவன்

குடும்ப சுமையை ஏற்று வாழ்ந்தவன்

நேற்று இரவு வீடு வரவில்லை

அவனது

மட்காட் இல்லா சைக்கிளையும்

வார் அறுந்த செருப்பினையும்

காக்கா கடை சந்தியில

கண்டதா சொல்லியினம்

ஒரு எட்டு போய்

பார்த்திட்டு உறுதிசெஞ்சன்

ஒரு கிழைமையாச்சு

ஒரு மாசமாச்சு

ஒரு செய்தியும் இல்லை

விடியப்புரம் ஆறு மணிக்கு

நாய் குலைக்குது எண்டு

எட்டி பார்த்தன்

படலேக்க ஒருபெடியன்

பதுங்கினான்

நேற்று தான்

வெளியாள விட்டவங்களாம்

என்டமகன் தப்பியோடி

வெளியாள நிக்கிரானாம்

உயிர் எழுந்து

விளி சுரந்து

வந்ததுபோல உணர்வு

இன்னுமும் உயிரோட

இருக்கிறான் எண்டதே

எனக்கு போதும்

நான் தலைவாரி

சீலை சுத்தி

நெஞ்சை நிமிர்த்தி நடப்பதட்க்கு

	Tweet