அனாதையாய் அடிபட்டு

தன் உயிர்

தான் நேசித்த உயிர்கள்

உறவுகள் சொந்தம் பந்தம் நட்பு

ஒன்றன் பின் ஒன்றாக

மடியும் போது

கண்ணீர் வற்றிய கதறல்கள்

அனுபவிதவனால் கூட

அதே உணர்வுடன்

திருப்பி சொல்ல முடியாது

பிறந்த பூமி

வாழ்ந்த வீடு

தோட்டம் துறவு வயல் இன்றி

அனாதையாய் அட்டிபட்டு

உணவுக்காய் கை ஏந்தி

உயிர் காக்க

உடைகள் உரிந்து காட்டி

உயிர் தப்பினவன்

இன்னொரு பிறப்பு கேட்க மாட்டான்

Post Comment

அண்ணா மட்டும் இருந்திருந்தால்

வேலியும் இல்லை

கூரையும் இல்லை

நரிகளிடம் இருந்தது தப்ப

நாய் வளர்க்கும் நிலைமை

நாய்க்கு வைக்க கூட

மிச்ச சோறு இல்லை

ஏன் மனுசருக்கே ஒருவேளைதான்

அதுவும் வேலை கிடைத்தால் மட்டும்

ஆனாலும் நாய் நன்றி உள்ள நாய்

கூரை வழியே வெளிச்சம் தெரியும்

வேலி இல்லாததால் வீடே தெரியும்

போர்க்கும் போர்வைதான்

அந்தரங்கச்சுவர்

உயிரை கையில் பிடித்துக்கொண்டு

உறங்கும்நிலை .

வேறை என்னத்தை பிடிக்க .

அதுமட்டும்தானே மிச்சம் இருக்கு

எச்சத்திலும் ஏதோ ஒன்றை தேடி

அலையும் நரிகள்

கேவலம் கெட்டவனுக்கு

கிடைப்பதெல்லாம் அமிர்தம்தானே

ஆம்பிளை என்ற பெயருக்கு

அப்பா இருப்பதால்

மூத்த அக்கா இரண்டுபேரும்

ஓரளவுக்கு தூங்குகின்றார்கள்

அண்ணா மட்டும் இருந்திருந்தால்

நானும் தூங்கியிருப்பேன்

இப்படிக்கு சின்னதம்பி

Post Comment

மானத்தையும் வெக்கத்தையும் விட்டு

இழந்தவை

திருப்பி பெறமுடியாதவை

மறந்திடவும் முடியாதவை

ஒரு கட்டம் வரை

அழமுடியும்

ஆழமாக உணர்ந்து

அழமுடியாது

மனிதனாக

வாழ முடியவில்லை

மனிதனாக

வாழ நினைத்தால்

மிருகத்தைவிட

கேவலமான முடிவு

தண்ணீரை

மறித்துகட்ட முடியும்

உணர்ச்சிகளை

கட்டாயம்

கட்டுப்படுத்த வேண்டி உள்ளது

ஒரு நூல்

இடைவெளியில்

உயிர் எடை குறைய

வாய்ப்புகள் பல

காலடித்தடம் தெரியாமல்

வாழ வேண்டும்

மானத்தையும்

வெட்கத்தையும் விட்டு

Post Comment

நீயே என் காதலின் அழகிய தேவதை

காற்று வெளியில் பூக்கள் மிதக்கும்

காதல் சொல்ல கண்கள் துடிக்கும்

மெல்லிசை மெல்ல காதினில் கேட்க்கும்

மேகமாய் கூந்தல் முகத்தினில் பறக்கும்

வண்டுகள் அங்கே கூட்டமாய் மொய்க்கும்

வண்ணத்து பூச்சி வட்டமிட்டு துடிக்கும்

இதழ்களை விரித்த அழகிய மலரோ

இளமையை தெளித்தி நிமிர்ந்து நிற்கும்

காற்றுக்கு கொஞ்சும் மலரின் வாசனை

கண்களை மயக்கும் அழகின் போதனை

இதழ்களில் படர்ந்த மென்மையின் சோலை - என்னை

கெஞ்சிட செய்யும் உதடுகளின் வேலை

இன்று உணர்ந்தேன் மனதினில் தோல்வியை

ஒரு நொடி உந்தன் பார்வையின் வேதனை

நெஞ்சினில் கை வைத்து அடிச்சு சொல்கிறேன்

நீயே என் காதலின் அழகிய தேவதை

Post Comment

உடலுக்குள் அசுத்தமா உலகமே அசுத்தமா

மூச்சு காற்று

உடல் பரவி திரும்பும்

அசுத்த காற்று

உடலுக்குள் அசுத்தமா

உலகமே அசுத்தமா

அசுத்த உலகில்

சுத்த காற்றை

மூக்கு துவாரம்

வடிகட்டும்

மனித உடம்பில்

சுத்த காற்று

அசுத்தங்களை

வெளித்தள்ளும்

உடலுக்குள் அசுத்தமா

உலகமே அசுத்தமா

அசுத்த ஆட்சிகள்

சுத்தத்தை அசுத்தமாகி

வெளுத்து கட்டும்

சுத்தங்கள்

சுத்தமாக வாழமுடியாமல்

அசுத்ததுக்குள்

சுத்தம் தேடும்

சுத்தங்களின் சுவையை விட

அசுதங்களின் சுவை அதிகம்

அதிகாரம் கையில் இருந்தால்

அசுத்தங்களெல்லாம் சுத்தம்

சுத்தமான கீழ்தட்டு

அசுத்தமாக வாழ்வதும்

அசுத்தமான மேல்த்தட்டு

சுத்தமாக வாழ்வதும்

மரணித்த மனிதங்களின்

உலகமயமான உலகு

என்பதை உறுதிப்படுத்தும்

Post Comment