ஏக்கத்தின் எல்லை

திரும்பிப்பார்த்தேன்

சரிகை சருசருக்கநடக்கிறார்கள்

எத்தனை வீடுகள் ஏறிஇறங்கியிருப்பர்

என் அகராதியில் எழுதப்பட்டுவிட்டது

எனக்கு ஏமாற்றம்தானென்று

இருந்தும் ஒரு நப்பாசை

என்னையும் பிடிக்குமென்று

என் உழைப்பில்தான்

எங்கள் குடும்பம்

ஒவ்வொறுமுறையும்

தட்டங்கள் நிரப்பவே

சேமித்தபணம் செலவளிந்துவிடும்

சிரித்தமுக்துடன்

வாசல்படிஏறிவந்து

கதைத்துப்பேசி

பலகாரங்களைத்தின்றுவிட்டு

பசுமையான எங்கள் குடும்பம்போன்ற

வெற்றிலையை கையிலெடுத்து

என்வாழ்க்கை போன்ற

காய்ந்த பாக்கை அதற்குள் போட்டு

வெள்ளைமனசு சுண்ணாம்பை

மெதுவாகத்தடவி

ஒரேசுருட்டுசுருட்டி

வாய்க்குள்போட்டு அரைத்துவிட்டு

போகுமபோது வாசலில் துப்பிவிடுவர் சிவப்பாய்

என் வாழ்க்கையையும் சேர்த்து.

	Tweet