புதைந்துபோன ஆசைகள்

காத்திருக்கிறது மண்

ஒரு விதைக்காக

காத்திருக்கிறது நீர்

ஒரு துளிர்க்காக

காத்திருக்கிறது பனி

ஒரு இலைக்காக

காத்திருக்கிறது வண்டு

ஒரு மலருக்காக

காத்திருக்கிறது காதல்

ஒரு மலர்க்கொத்துக்காக

காத்திருக்கிறான் இறைவன்

ஒரு மாலைக்காக

காத்திருக்கிறது சூரியன்

அதை சுட்டெரிப்பதற்க்காக

காத்திருக்கிறேன் நான்

கூந்தலில் சூட்டுவதற்க்காக

யாருக்காக அந்த மலர்

காத்திருக்கிறது

யாருமே கேட்பதில்லையே

புதைந்துபோன ஆசைகள்

	Tweet

சோடி சேரும் நாளை எண்ணி

உன் ஈர விழியில்

ஒரு துளி

நான் ஏங்கி தவிக்கிறேன்

தனிமையில்

என் தனிமை தாங்கும்

மர நிழல்

உன் சோகம் சொல்லும்

கார்முகில்

ஊஞ்சல் ஆடும்

இருமனங்கள்

சேர துடிக்கும்

இரு நிறங்கள்

பாசத்தோடு

அருகில் இருந்து

உச்சி நெத்தி கோதும்

உண்மை காதல்

கரம் பிடித்து

இதழ் குவித்து

சோடி சேரும்

நாளை எண்ணி

	Tweet

காதல் செடிக்கு கண்ணீர் வேண்டாம்

இளமை வாழும்

இனிய மலர்கள்

பனியைத் தாங்கி

பூத்து குலுங்கும்

இதமாய் விரியும்

ஒவ்வொரு இதழும்

மென்மை சேர்த்து

இதயம் வருடும்

சுவாசம் பட்டு

வாடும் வதனம்

முத்தம் வாங்க

ஆசை கொள்ளும்

வெப்பம் தாங்கா

மடியும் பெண்மை

நெஞ்சில் சாய

ஏங்கி நிற்கும்

பூக்கும் செடிக்கு

தண்ணீர் ஊற்றி

குளிர்மை காக்கும்

பணியை செய்வோம்

காதல் செடிக்கு

கண்ணீர் வேண்டாம்

கண்கள் சிரிக்க

காதல் கொள்வோம்

	Tweet

ஏங்கி துடிக்கும் இரு இதயங்கள்

ஓடி ஒழிந்த வருடங்கள்

ஓராயிரம் நினைவுகள்

சேமித்து வைத்த கனவுகள்

மீட்டலை மீட்கும் வகுப்புகள்

தொட துடிக்கும் மனசு

தொடருகின்ற நினைவு

சேர்த்துவைத்த பரிசுப்பொருள்

பரிமாறிய வாழ்த்து அட்டைகள்

பாசத்தின் உண்மைகளை

பறைசாற்றும் பல்லவிகள்

பார்க்காமல் இருந்தே

பழகிப்போன உணர்வுகள்

கூட்டாக சேர்த்து வைத்து

கொண்டாட காத்திருக்கும்

சந்தோஷ நாளை எண்ணி

ஏங்கி துடிக்கும் இரு இதயங்கள்

	Tweet