விழுதாகி

விழுதாகி 

விடியலுக்காய் காத்திருக்கிறோம் 

விடிந்ததும் 

புதுவருடம் கொண்டாட

	Tweet

புலம் பெயர்ந்தாலும் மனம் மாறாது

திறந்து கிடக்கும் யன்னல் வழியே

பறந்து கிடக்கும் வானம் கண்டேன்

மனதில் தோன்றும் எண்ணம் எல்லாம்

நினைந்து நினைத்து கண்ணீர் விட்டேன்

நாலுபக்கம் வேலி கட்டி

நடுவில் ஒரு வீடு கட்டி

படலைக்கு கூட பட்லொcக் போட்டு

பாதுகாப்பாய் இருந்த குடும்பம்

உயிரை பாதுகாக்க வேண்டுமென்று

நாலு திசையும் ஓடி ஒளிந்து

திக்குக்கு ஒருவராய் சிதறிவிட்டோம்

பெற்றவர்களை மட்டும் விட்டிவிட்டோம்

வயது வந்த நேரத்திலும்

வைரம் பாய்ந்த மனசுடனே

சொந்த வளவில் சோறு ஆக்கி

தின்று மகிழும் அம்மா அங்கே

ஐந்துவருசத்துக்கு ஒரு முறையேனும்

பேரப்பிள்ளைகளை கூட்டிக்கொண்டு

அம்மா அப்பாக்கு காட்டி விட்டு

வந்த கடனை அடைப்பதற்கு

திரும்பி ஓடி வந்துவிடுவோம்

சொந்த மண்ணில் போய் நின்று

சொந்தத பந்தங்களோடு விருந்துண்ட்டு

கோயில் குளம் போய்வந்து

சந்தோசமாய் இருந்ததை நினைத்தே 

இரவு பகல் உழைக்க தொடங்குவோம்

அடுத்த ஐந்துவருடம் வரும் வரைக்கும்

	Tweet

வெட்கத்திரையை கிழித்தவனே

பெண்-

பெண்மையின் வெட்கத்திரையை கிழித்தவனே

வெட்கமின்றி என்னை கட்டி அணைத்தவனே

விரல் நிகம் கீறி அடையாளம் தந்தவனே

என் உயிர்மீது உனைத்தந்து வளர்த்தவனே.

ஆண்-

திமிர்பொங்கும் அழகோடு நின்றவளே

என் திறமையைக்காட்ட வழிசமைத்தவளே

தலையணையோடு தவழ்ந்து திரிந்தவளே

எனை தவறாமல் அணைக்கும்

மந்திரியே.

பெண்-

உயிரோடு உயிர் சேரும் நேரமெல்லாம்

உனை உறவாக நினைத்து மகிழந்தேனே

இனி வாழ்வில் எல்லாம் நீதான் என்று 

என் இதயத்தை பரிசாக தந்தேனே.

ஆண்-

கனவோடு நான் வாழ்ந்த வாழ்க்கையினை

நியமாக்க நேராக வந்தவளே 

உனை என்னோடு எனக்குள்ளே வைத்திருந்து

என் கண்ணாக உனை காப்பேனே.

	Tweet

துடிக்குதடி இதயம்

உன்னை அழகாக்கி 

என்னுடன் கூட்டிச்செல்ல

துடிக்குதடி இதயம்

என்னை சிவனாக்கி

உந்தன் நினைவாகி

உன்னுடன் அலையவே

துடிக்குதடி நெஞ்சம்

மண்ணில் நீவிழுந்தால்

கண்ணில் மண்விழுந்ததுபோல்

கலங்குதடி கன்னம்

கன்னம் இரண்டினிலே

செல்லக்கடி கடித்க

சினுங்கவேண்டும் 

கொஞ்சம்

அன்பை அள்ளித்தந்து

உன்னை அள்ளி அணைத்து

காதல் கொள்வதே எண்ணம்

	Tweet

காதல் மட்டும் மாறாமல்

வானிலை மாறுகிறது

காலநிலையும் மாறுகிறது

பூக்கள் மலர்ந்து

மாலையில் வாடுகிறது

பறவைகள் பறக்கிறது 

சருகுகள் விழுகிறது

மரங்களின் கிளைகள்

தலையாட்டி அசைகிறது

புல்வெளி பனிக்கிறது

பனித்துளி துளிர்கிறது

சூரியன் பல்இளித்து

பகல்பொழுது தேய்கிறது

மாற்றங்கள் மாறுகிறது

மாறுவதெல்லாம் மாற்றமாகிறது - உன் 

காதல் மட்டும் மாறாமல்

கண்ணுக்குள் அப்படியே நிக்கிறது

	Tweet

வீட்டுக்கு அழகு பெண்ணிடம்

ஒரு சொட்டு நீர்த்துளி

உன் ஈரக்கூந்தலில் இருந்து

என் நெற்றிபொட்டில் பட்டுத்தெறிக்க

சோம்பலை முறித்து

கண்விழித்து பார்க்க

வட்ட பொட்டு உன் நெற்றியில்

வண்ணமாய் ஜொலிக்க

தாலிக்கயிறு கழுத்திலே 

வட்டமாய் நெளிய

ஈரத்துணியினால்

கூந்தல் சுற்றிகட்டி

கழுத்திலே

மிச்ச குங்குமத்தை ஒற்றி

உதட்டிலே

சிரிப்பை மட்டுமே வைத்து

காதில் பிடித்துதிருகி

காலை வணக்கம்

சொல்லும்போதே

தோற்றுவிட்டேன் உன்னுடன்

வீட்டுக்கு அழகு பெண்ணிடம்

	Tweet

மாலை சூடும் நேரம்வரைக்கும்

நிமிடம்தோறும் உந்தன்நினைப்பு

நினைத்து நினைத்து எனக்குள்சிரிப்பு

பட்டாம் பூச்சி இதயத்துடிப்பு

பார்க்க துடிக்கும் அன்பின் அணைப்பு

கிட்ட வந்தால் வெட்க்கப்படுவேன்

எட்ட சென்றால் ஏங்கி தவிப்பேன்

மூச்சு முட்ட காதல் கொள்வேன்

சொல்ல முடியாமல் குழம்பி நிப்பேன்

கண்ணை பார்க்காதே நாணம் கொள்வேன்

கண்ணால் பார்க்காதேஉருகி வடிவேன்

கட்டி பிடிக்காதே தேகம் குழைவேன்

கரைகள் படியாமல் காத்து கிடப்பேன்

மாலை சூடும் நேரம்வரைக்கும்

மணவறைக்கோளம் காணும்வரைக்கும்

விடுமுறை இல்லா வெட்கம் கொள்வேன்

விரும்பியே உன்னை தள்ளிவைப்பேன்

	Tweet

மொட்டை போட்டுவிட்டாய்

கூந்தல்

கலைத்து விளையாடும்

தென்றல் காற்றாய் - உன்

பின்னாலே வந்தேன்

நீ

கூந்தலே வேண்டாமென்று

வெட்டிவிட்டாய்

என் காதலுக்கு

மொட்டை போட்டுவிட்டாய்

	Tweet

வெட்க்கமின்றியே பறக்கிறேன்

விடுமுறை நாள் 

அதிகாலை

துயில் கொள்ளும் 

கட்டிலின் மேலே

இரு கைகளுக்குள் - நீ 

குழந்தைபோல 

வெட்கப்பட்டு சிரிக்கிறாய் - நான் 

வெட்க்கமின்றியே பறக்கிறேன்

	Tweet

யாயும் ஞாயும் யாராகியரோ

வழி அனுப்பிவிட்டு 

வாசலில் விழிகரைந்து 

நிற்பதும் 

வாசல் வரும்முன்னே 

ஆயிரம் முத்தங்கள் 

தருவதும் 

உயிர் உள்ளிருந்து 

வெளியில் செல்வதுபோல்

நினைப்பதும் 

அனுப்பி விட்டு 

நினைவு தோட்டத்தில் 

மலர் பறிப்பதும் 

அப்பப்ப சிரிப்பதும் 

அழகான படங்கள் எடுத்து 

பார்ப்பதும் 

அலை பேசியில் 

நொடிக்கொரு முறை 

தகவல்கள் சொல்வதும் 

வீடு திரும்பும் வேளை 

ஓடிவந்து கட்டி 

அணைப்பதும் 

குட்டி பூனைபோல் 

என் கால்களுக்குள்ளே 

நிற்பதும் 

"யாயும் ஞாயும் யாராகியரோ

எந்தையும் நுந்தையும் எம்முறைக் கேளிர்

நீயும் யானும் எவ்வழி அறிதும்

செம்புலப் பெயல் நீர்போல

அன்புடை நெஞ்சந்தாங் கலந்தனவே"

	Tweet

இதயத்தில்

தழுவும் தாவணியில்

தவறிவிழுந்த இதயத்தை

வெட்கப்பட முன்னே

ஏந்திவிட்டேன் - என்

இதயத்தில்

.....

தழுவிய தாவணியை

தலைகுனிந்தே அள்ளியெடுத்து 

குழந்தை போல்

நெஞ்சிலே போட்டபோது

நானும் உன் இதயத்துக்குள்

	Tweet

கோவில் கதவு

ஆறுகால பூசையில்லா 

காதல் கோவில் 

பாத கொலுசு 

பூஜை மணியாக 

முத்த துகள்கள் 

தீர்த்த துளியாக

அள்ளிகொடுக்கும் ஆண்டவனாய் 

நீ 

அள்ளி எடுக்கும் பக்தனாய் 

நான்

கோவில் கதவு 

எப்பொழுதும் பூட்டுதான்

	Tweet

காலைப்பொழுதுகளெல்லாம்

நீ

நீராடிய பின்

தீர்த்தமாடும்

உன் கூந்தல் முடியில்

ஒரு சொட்டு நீர்த்துளி

என் கன்னத்தில் பட்டு

நான் துயில் எழும்பும்

காலைப்பொழுதுகளெல்லாம் 

உனக்கு மறுகுளியல்தான்

	Tweet

நதி ஒன்று சேலைக்குள்

நதி ஒன்று 

சேலைக்குள் 

நெளிகிறது வளைகிறது 

என் இதயமும் இரு விழிகளும்

தென்றல் உரசிடும் 

தேகத்தை மறைத்திடும் 

சேலைக்குள் 

வெட்கத்தின் குவியலாய் 

என் காதல்

பறக்கின்ற தாவணியில் 

சிலிர்க்கின்ற தேகத்தில் 

ரகசியம்தேடும் காற்றுடன் 

நானும் சேர

வளைகின்றது நதியாய் 

சேலை தேகத்தில்

நெளிகின்றது இடை 

இடைவிடா போரட்டத்தில்

நடைமட்டும் காட்டி 

கொடுத்துவிட்டது - என் 

காதலை

	Tweet

சந்தோசத்தில் பயணிக்கிறேன்

மேனியை தொட்டும் தொடாமலும் 

பட்டுச்செல்லும் இதமான 

இனிய காலைப்பொழுதில்தான்

என் தேவதைக்கான நேரம் 

குறிக்கபட்டிருந்தது

என்ன சந்தோசம் 

குயில்களும் குட்டி குருவிகளும் 

மலர்களும் வஞ்சனை இல்லாமல் 

முகத்தை மலர்ந்தே வைத்திருந்தன 

பேருந்து தரிப்பிடத்தில் 

தனியாகத்தான் காத்திருந்தேன் 

அனாலும் நான் 

தடக்கி விழுந்துவிட்டேன்

சில்லென்ற மெல்லிய காற்று 

முகவுரை வாசிக்கும்போதும் 

நான் கேட்க்கவில்லை 

பரவாயில்லை என் நெஞ்சுக்குள் 

நீ முழு உரையையும் வாசித்துவிட்டாய் 

இதுவரை என் மனதினில் 

தோன்றாத வரிகளை தோன்றவைத்தாய்

நீ அழகிதான் இருந்தாலும் 

மலர்களும் முழு நிலவும் உன்னுடன் 

போட்டி போட்டு நிக்கின்றன 

இருந்தும் உன் சிரிப்பால் 

அனைத்தையும் கொள்ளையடித்துவிடுகிறாய் 

அது போதும் எனக்கு 

நான் ஆனந்தப்பட 

இருந்தாலும் திமிர்பிடித்த 

உன் கூந்தல்கள் 

அங்கும் இங்கும் ஆடும்போது 

எனக்கு நெஞ்சுக்குள் பயம்தானடி 

பேரூந்தும் வந்துவிட்டது 

இன்றும் நான் மௌனித்த நினைவுடனே 

ஆனாலும் போராடாமல் 

உன் பார்வை ஒன்று கிடைத்த 

சந்தோசத்தில் பயணிக்கிறேன்

	Tweet

தவிக்காமல் தவிக்கின்றேன்

விழுந்து தெறிக்கும் மழைத்துளியில் 

எழும்பி குதிக்கும் நீர்த்துளியாய் - உனை 

நினைத்து துடிக்கும் என் இதயம் 

குடை கொண்டுவந்து 

காகித படகொன்றுவிடும் 

குட்டி குழந்தையைப்போல் என் காதல் 

இலைகள் வருடி இதமாய் ஒழுகி 

மலர்களில் முட்டும்மழைத்துளியாய் 

என் உள்ளம் 

சிறு எறும்பு ஒன்று ஊர்ந்து 

காய்ந்த நிலமொன்றை தேடும் 

நீண்ட பயணம் போல் 

என் பார்வை 

நீ நனைந்திட்ட மலராய் 

தலை குனிந்திட்டபடியே 

மின்னுகின்றாய் கண்களாலே 

இடி இடிக்காத குறையாய் 

இதயத்தில் வெடிக்க 

தலை துவட்டாமல் திரிகிறாய் 

மழை நாளில் 

நிலை கம்பிகள் தடுக்க 

யன்னலின் பின்னால 

உனை ரசிக்கின்றேன் தேவி

தேவி ஸ்ரீ தேவி 

உந்திருவாய் மலர்ந்தொரு 

வார்த்தை சொல்லிவிடமா 

ஒலிக்காமல் ஒலிக்கின்றது 

மனதில் 

நான் தவிக்காமல் தவிக்கின்றேன் 

தனி அறையில்

	Tweet

இப்படிக்கு இதயம்

உயிராக காத்திருக்கும் 

காதலுக்காய் 

உயிர்விட காத்திருக்கிறேன் 

இப்படிக்கு இதயம் 

எழுதிக்கொள்வது ஏமாற்றத்துக்கு

	Tweet

காதலுடன்

நீண்ட இரவுகளில்

எண்ணி முடிக்காத நட்சத்திரங்கள் போல் 

என் நினைவுகளும்

ஒற்றை நிலவுதான் அழகு

அதில் பட்ட கனவுகள் நூறு

வெட்ட வெளிதான் வானம்- அதில் 

சிறகடித்து பறக்கும் காதல்

காற்று வீசுது தென்றலாய் -என் 

சிறகுகள்மட்டும் அடிக்குது புயலாய்

சின்னஞ்சிறு இதயம்தான் எனக்கும் - அதில் 

உன்னைத்தவிர வேறென்ன இருக்கும்

எண்ணிமுடிக்காத நச்சதிரங்களிடையே - நான் 

எரிகல்லாய் சாம்பலகின்றேன் 

காதலுடன்

	Tweet

நான் தாயாக தயாராய் இருக்கிறேன்

கண்மூடிய இரவுகளில் 

உன் கைஅரவணைப்பில் 

நான் தூங்க

மூசுகாற்று முட்டித்தெறிக்க 

முழு உடலும் உனை தழுவ

நெஞ்சினிலே வீணி வடிந்தோட

திடுக்கிட்டு நான் எழும்பும் நேரத்திலும்

இரவிரவாய் வாய் புசத்தும் நேரத்திலும்

தலையை தடவி தூங்கவைக்கும் 

உனை நம்பி 

நான் தாயாக தயாராய் இருக்கிறேன்

	Tweet

முதமில்லாமல் மிச்சமில்லை

தென்றல் இல்லாமல் 

தீண்டல் இல்லை 

தீண்ட தெரியாமல் 

காதல் இல்லை

கண்கள் இல்லாமல் 

பார்வை இல்லை 

பார்க்கதெரியாமல் 

பாவை இல்லை

பெண்மை இல்லாமல் 

மோகமில்லை 

மோததெரியாமல் 

காமம் இல்லை

கொஞ்ச தெரியாமல் 

முத்தம் இல்லை 

முதமில்லாமல் 

மிச்சமில்லை

ஹா ஹா ஹா

	Tweet