விழுதாகி

விழுதாகி 

விடியலுக்காய் காத்திருக்கிறோம் 

விடிந்ததும் 

புதுவருடம் கொண்டாட

	Tweet

அவன் அன்று இறைவன்

கண்ணை மூடும் கறுப்பு வானம்

வெள்ளை குளமாய் வட்ட நிலவு

சிந்திக்கிடக்கும் சில்லறை விண்மீன்

சிலிர்க்க வைக்கும் சிக்கன காற்று

*********

அடங்கிப்போகும் அவசர உலகம்

ஓய்வு எடுக்கும் இடைவெளி நேரம்

குடும்பம் கூடும் நிலவு முற்றம்

ஊரை கெடுக்கும் குடிகாரன் சத்தம்

************

குறைகளை சொல்லும் மனைவியின் நேரம்

தேவையை கேட்கும் பிள்ளையின் சிணுங்கல்

கணக்கு பார்க்கும் அப்பனின் மூளை

போர்வைக்குள் அடங்கும் இயலாமை யுத்தம்

*************

தலையணை மந்திரம் சொல்லிடும் இரவு

தரணியை ஆள போட்டிடும் கணக்கு

கனவுகள் கண்டு மகிழ்ந்திடும் மனசு

விடியலை காண துடித்திடும் நினைப்பு

***************

வழமைபோல் காலை விடிந்திடும் வேளை

வாடிய முகத்துடன் இன்னொரு நாளை

தேடியே போவான் குடும்பத்துத்தலைவன்

தேவைகள் தீர்த்தால் அவன் அன்று இறைவன்

	Tweet

புலம் பெயர்ந்தாலும் மனம் மாறாது

திறந்து கிடக்கும் யன்னல் வழியே

பறந்து கிடக்கும் வானம் கண்டேன்

மனதில் தோன்றும் எண்ணம் எல்லாம்

நினைந்து நினைத்து கண்ணீர் விட்டேன்

நாலுபக்கம் வேலி கட்டி

நடுவில் ஒரு வீடு கட்டி

படலைக்கு கூட பட்லொcக் போட்டு

பாதுகாப்பாய் இருந்த குடும்பம்

உயிரை பாதுகாக்க வேண்டுமென்று

நாலு திசையும் ஓடி ஒளிந்து

திக்குக்கு ஒருவராய் சிதறிவிட்டோம்

பெற்றவர்களை மட்டும் விட்டிவிட்டோம்

வயது வந்த நேரத்திலும்

வைரம் பாய்ந்த மனசுடனே

சொந்த வளவில் சோறு ஆக்கி

தின்று மகிழும் அம்மா அங்கே

ஐந்துவருசத்துக்கு ஒரு முறையேனும்

பேரப்பிள்ளைகளை கூட்டிக்கொண்டு

அம்மா அப்பாக்கு காட்டி விட்டு

வந்த கடனை அடைப்பதற்கு

திரும்பி ஓடி வந்துவிடுவோம்

சொந்த மண்ணில் போய் நின்று

சொந்தத பந்தங்களோடு விருந்துண்ட்டு

கோயில் குளம் போய்வந்து

சந்தோசமாய் இருந்ததை நினைத்தே 

இரவு பகல் உழைக்க தொடங்குவோம்

அடுத்த ஐந்துவருடம் வரும் வரைக்கும்

	Tweet

கூசுதடா

கண்களால் பாரக்கும்போதே

கூசுதடா

கைகளால் தொடும்போதே- உயிர்

போகுதடா

பெண்ணின் வெட்கம் தெரிந்த

மன்னவா

என்னை முழுசாய் எடுத்துக்கொண்டு

போடா

	Tweet

வெக்கங்கள்

எனக்குத்ததெரியாத 

வெக்கங்கள் எல்லாம்

சொல்லித்தந்தது யார்

எனக்கே தெரியாமல் 

என் வெக்கங்களை

தொட்டுப்பார்ப்பது ஏன்

எனக்கே தெரியாமல்

என்வெக்கங்கள் எல்லாம்-உன்னிடம்

வெக்கப்படுவது எப்படி

	Tweet

காப்பாற்ற வாராயோ

மழையிலும் நனையவில்லை

வெய்யிலில் உருகவும் இல்லை

குடை கூட தேவையில்லை

என்றிருந்தேன் ....

கரும்பாறையைவிட

உறுதியாய் கிடந்தேன்

கரும்பைவிட

இனிமையாந் இருந்தேன்

உன்னை கண்டதும்

நடுங்கி வியர்து

நனைந்துவிட்டேன்

என் இதயத்ததை

பிடுங்கி முழுதாய்

முழுங்கிவிட்டாய்

ஆடைகளைந்தது போல்

என் இதயம் பறித்துவிட்டாய்

வெட்கங்கள் கொள்கிறதே

என்னை இறுக்கி அணைத்து

காப்பாற்ற வாராயோ .....

	Tweet

இறுதியாக தந்த முத்தம்

இறுதியாக தந்த முத்தம்

இன்னும் ஈரம் மாறாமல்

என் கன்னங்களில்

ஊற்றெடுக்கிறது

துயிலும் அறையில் - உன்

ஒற்றைத்தலையணையை

கட்டி அணைத்தே

காலம் கழிக்கிறேன்

நீ விட்டு போன

சுவாசக்காற்றுகள் -என்னை

சுற்றி சுற்றி வந்தே

நினைவை தூண்டுகின்றது

ஒரு முறையேனும்

உன் அழைப்புவராதா என

காத்து கிடந்தே என்

தொலைபேசி செத்துவிட்டது

விட்டு சென்ற

எச்சங்களை அளித்துவிட்டு போ

இல்லை என்னை வந்து

அள்ளிக்கொண்டு போ

என்னோடு நான் பேசும்

கொடூரத்தை மட்டும்

தந்துவிடாதே

நான் செத்துவிட மாட்டேன்

	Tweet

வெட்கத்திரையை கிழித்தவனே

பெண்-

பெண்மையின் வெட்கத்திரையை கிழித்தவனே

வெட்கமின்றி என்னை கட்டி அணைத்தவனே

விரல் நிகம் கீறி அடையாளம் தந்தவனே

என் உயிர்மீது உனைத்தந்து வளர்த்தவனே.

ஆண்-

திமிர்பொங்கும் அழகோடு நின்றவளே

என் திறமையைக்காட்ட வழிசமைத்தவளே

தலையணையோடு தவழ்ந்து திரிந்தவளே

எனை தவறாமல் அணைக்கும்

மந்திரியே.

பெண்-

உயிரோடு உயிர் சேரும் நேரமெல்லாம்

உனை உறவாக நினைத்து மகிழந்தேனே

இனி வாழ்வில் எல்லாம் நீதான் என்று 

என் இதயத்தை பரிசாக தந்தேனே.

ஆண்-

கனவோடு நான் வாழ்ந்த வாழ்க்கையினை

நியமாக்க நேராக வந்தவளே 

உனை என்னோடு எனக்குள்ளே வைத்திருந்து

என் கண்ணாக உனை காப்பேனே.

	Tweet

சொல்லிவிட்டுப் போ

யன்னல் கம்பிகளின் இடுக்கினிலே

சிக்கித்தவிக்கும் என் இரவு நிலவு

கண்கள் இரண்டும் குளமாகி

அரிவி கொட்டும் என் கண்கள்

சொல்லிய வார்த்தைகளெல்லாம்-உன் 

உள்ளத்தில் இருந்து வந்ததா

நான் உனக்காக வளரவில்லை - என்னை

உனக்காகவும் வளர்க்கவில்லை

உனக்கான துணையாக மாற்றினாய்

அதற்காகவே என்னை நான் மாற்றினேன்

எதற்காக வெறுத்தாய் காரணமின்றி

ஒரு முறை சொல்லிவிடு போகிறேன்

இந்த நிலவும் வேண்டாம்

கரு இரவும் வேண்டாம்

தனிமையில் ஓரு மூலையில்

என்னை நானே காதல் செய்வேன்

எதற்காக வெறுத்தாய் 

சொல்லிவிட்டுப் போ

	Tweet

ஆசைப்படுகிறேன்

கட்டிஅணைத்து

தூக்கிச்சுத்தி

முத்தம்கொடுப்பதெல்லாம்

சின்னப்பிள்ளைகளுக்கு

கிடைத்தவரம்

என்றிருந்தேன்

உன்னைக்காதலித்தபின்பு

நானும் 

சின்னப்பிள்ளை ஆகிவிட்டேன்

நீ இப்படியே இருந்தால்

உன்னுடன் சேரந்து வளர

ஆசைப்படுகிறேன்

	Tweet

ஒருநாள் எனை திரும்பி பார்ப்பாய் 

அந்நாளில் உதடு கொண்டு சிரிப்பேன்

ஒருநாள் என் முன்னே வந்து போவாய் 

அந்நாளில் கண்ணடித்து பார்ப்பேன்

ஒருநாள் என் அருகில் வந்து நிற்பாய் 

அந்நாளில் உன் கைகோர்த்து நடப்பேன்

ஒருநாள் என் நெஞ்சில் வந்து சாய்வாய் 

அந்நாளில் உன் தலை கோதி விடுவேன்

ஒருநாள் தலையை குனிந்து நிற்பாய் 

அந்நாளில் தாலிகட்டி மகிழ்வேன்

ஒருநாள் வெட்கம் திறந்து நிற்ப்பாய் 

அந்நாளில் என்னை உனக்குள் தருவேன்

	Tweet

என் நெஞ்சில்

முட்டாமல் கிட்ட வந்து 

முத்தங்கள் நூறு தந்து 

நிற்காமல் போகும் தென்றலாய்

*****

என்னையும் பார்க்காமல் 

என் கண்ணையும் பார்க்காமல் 

மண்ணையே பார்க்கும் வெக்கமாய் 

******

சொன்னதும் கேக்காமல் 

கேட்டதும் சொல்லாமல் 

பெண்ணென நெளியும் ஓடையாய் 

*****

மெல்லவும் முடியாமல் 

தின்னவும் முடியாமல் 

காதல் நெஞ்சில் சிக்கலாய் 

****

தப்பவும் முடியாமல் 

தப்பிக்கவும் நினைக்காமல் 

கையைகட்டி நிக்கிறாய்

என் நெஞ்சில் 

	Tweet

உன்னைத்தவிர

என்னையே 

நம்பிவந்திருக்கும்

உன்னைத்தவிர

வேறென்ன வேண்டும்

இந்த உலகைவெல்ல

	Tweet

துடிக்குதடி இதயம்

உன்னை அழகாக்கி 

என்னுடன் கூட்டிச்செல்ல

துடிக்குதடி இதயம்

என்னை சிவனாக்கி

உந்தன் நினைவாகி

உன்னுடன் அலையவே

துடிக்குதடி நெஞ்சம்

மண்ணில் நீவிழுந்தால்

கண்ணில் மண்விழுந்ததுபோல்

கலங்குதடி கன்னம்

கன்னம் இரண்டினிலே

செல்லக்கடி கடித்க

சினுங்கவேண்டும் 

கொஞ்சம்

அன்பை அள்ளித்தந்து

உன்னை அள்ளி அணைத்து

காதல் கொள்வதே எண்ணம்

	Tweet

காதல் மட்டும் மாறாமல்

வானிலை மாறுகிறது

காலநிலையும் மாறுகிறது

பூக்கள் மலர்ந்து

மாலையில் வாடுகிறது

பறவைகள் பறக்கிறது 

சருகுகள் விழுகிறது

மரங்களின் கிளைகள்

தலையாட்டி அசைகிறது

புல்வெளி பனிக்கிறது

பனித்துளி துளிர்கிறது

சூரியன் பல்இளித்து

பகல்பொழுது தேய்கிறது

மாற்றங்கள் மாறுகிறது

மாறுவதெல்லாம் மாற்றமாகிறது - உன் 

காதல் மட்டும் மாறாமல்

கண்ணுக்குள் அப்படியே நிக்கிறது

	Tweet

அழகான அம்மா

அழகான அம்மா

-----------------

அழகாய் இருந்தால்

அனைவரும் பார்ப்பார்கள்

அசிங்கமாய் இருந்தால்கூட

அம்மா பார்ப்பாள்

	Tweet

மூச்சுகாற்று

அநியாயமாய் ஆடும்

இடையின் மேல் 

அழகாய் இருக்கும்

குடத்துக்குள் கிடக்கும்

கோயில் கிணத்து 

நல்ல தண்ணி 

துள்ளி குதிக்குதடி

என் இதயத்தை போல

குடம் முட்டவுமில்லை

தண்ணி சொட்டவுமில்லை

இடை ஆடுவதும் நிற்கவுமில்லை

என் இதயம் துடிக்கவுமில்லை

மட்டும் 

சூடாகிறதே

	Tweet

உயிரை கொடுப்பது

அனைவருக்கும் மேலான 

இறைவன்

அதை அநியாயமாய் பறிப்பது

அந்த இறைவனை கும்பிடும்

மனிதன்

	Tweet

இதுவரை இல்லாத ஒன்று

இதையத்தில் புகுந்தது

அதன் பெயர் காதல் என்றது

தெரியாதவர்களை நான்

சேர்பதில்லை என்றேன்

அடம்பிடித்து அழுதது

இதையத்தை கட்டிப்பிடித்தது

உடனே வெளியேறசொல்லி 

திகதியும் குறித்தேன்

கேட்ப்பதாக தெரியவில்லை

அத்துமீறி குடியிருந்தது

ஒவ்வொரு நிமிடமும் - என்னை

ஆட்டிப்படைத்தது

தெரியாமல் நுழைந்த

தெரியாத காதலை

தெரிந்துகொள்ள நினைத்தேன்

காதலுக்கு முதல் முதலில்

அறிமுகமானேன்

அடுத்த நிமிடமே நான்

காதலானேன்.

அத்துமீறி குடியிருந்ததை

அடாவடியாக இதையதுக்குள்

பொத்திவைத்தேன்

இனி காதலை விடுவதாய்

எண்ணமில்லை

இதுவரை இப்படி

நான் நினைத்ததுமில்லை

	Tweet