விழுதாகி

விழுதாகி 

விடியலுக்காய் காத்திருக்கிறோம் 

விடிந்ததும் 

புதுவருடம் கொண்டாட

	Tweet

கூசுதடா

கண்களால் பாரக்கும்போதே

கூசுதடா

கைகளால் தொடும்போதே- உயிர்

போகுதடா

பெண்ணின் வெட்கம் தெரிந்த

மன்னவா

என்னை முழுசாய் எடுத்துக்கொண்டு

போடா

	Tweet

வெக்கங்கள்

எனக்குத்ததெரியாத 

வெக்கங்கள் எல்லாம்

சொல்லித்தந்தது யார்

எனக்கே தெரியாமல் 

என் வெக்கங்களை

தொட்டுப்பார்ப்பது ஏன்

எனக்கே தெரியாமல்

என்வெக்கங்கள் எல்லாம்-உன்னிடம்

வெக்கப்படுவது எப்படி

	Tweet

காப்பாற்ற வாராயோ

மழையிலும் நனையவில்லை

வெய்யிலில் உருகவும் இல்லை

குடை கூட தேவையில்லை

என்றிருந்தேன் ....

கரும்பாறையைவிட

உறுதியாய் கிடந்தேன்

கரும்பைவிட

இனிமையாந் இருந்தேன்

உன்னை கண்டதும்

நடுங்கி வியர்து

நனைந்துவிட்டேன்

என் இதயத்ததை

பிடுங்கி முழுதாய்

முழுங்கிவிட்டாய்

ஆடைகளைந்தது போல்

என் இதயம் பறித்துவிட்டாய்

வெட்கங்கள் கொள்கிறதே

என்னை இறுக்கி அணைத்து

காப்பாற்ற வாராயோ .....

	Tweet

இறுதியாக தந்த முத்தம்

இறுதியாக தந்த முத்தம்

இன்னும் ஈரம் மாறாமல்

என் கன்னங்களில்

ஊற்றெடுக்கிறது

துயிலும் அறையில் - உன்

ஒற்றைத்தலையணையை

கட்டி அணைத்தே

காலம் கழிக்கிறேன்

நீ விட்டு போன

சுவாசக்காற்றுகள் -என்னை

சுற்றி சுற்றி வந்தே

நினைவை தூண்டுகின்றது

ஒரு முறையேனும்

உன் அழைப்புவராதா என

காத்து கிடந்தே என்

தொலைபேசி செத்துவிட்டது

விட்டு சென்ற

எச்சங்களை அளித்துவிட்டு போ

இல்லை என்னை வந்து

அள்ளிக்கொண்டு போ

என்னோடு நான் பேசும்

கொடூரத்தை மட்டும்

தந்துவிடாதே

நான் செத்துவிட மாட்டேன்

	Tweet

மனம்விட்டு பேச

மனம்விட்டு பேச

மனதுக்குள் ஒருவன்

தினம் என்னை பார்த்து

சிரித்தாலே போதும்

கண்கள் மட்டும் பேச

மனதை கொஞ்சம் திறக்க

மௌனம் மெல்ல உடைக்க - என்

மனதை புரிந்துகொள்ள

மனதுக்குள் ஒருவன் வேண்டும்

மனதோடு மட்டும் வேண்டும்

மனம்விட்டு தினம் பேசி

மனம் ஆற ஒருவன் வேண்டும்

காதலனாக வேண்டாம்

கணவனாக வேண்டாம்

நண்பனாக கூட வேண்டாம்

நல்ல உள்ளமாக வேண்டும்

பேசினாலே போதும்

பஞ்சு காற்றிலே

பறப்பது போல் உணர்வேன்

நேசித்தலே போதும்

நெஞ்சம் ஆறுதலானதாய்

உணர்வேன்

வேஷங்கள் இல்லாமல்

தினம் பாசங்கள் கொண்டு

ஸ்பரிசங்கள் இல்லாமல்

மனம் தொட வேண்டும்

மனம்விட்டு பேச

மனதுக்குள் ஒருவன்

மனம்விட்டு போகா

மனதோடு ஒருவன்

	Tweet

ஆசைப்படுகிறேன்

கட்டிஅணைத்து

தூக்கிச்சுத்தி

முத்தம்கொடுப்பதெல்லாம்

சின்னப்பிள்ளைகளுக்கு

கிடைத்தவரம்

என்றிருந்தேன்

உன்னைக்காதலித்தபின்பு

நானும் 

சின்னப்பிள்ளை ஆகிவிட்டேன்

நீ இப்படியே இருந்தால்

உன்னுடன் சேரந்து வளர

ஆசைப்படுகிறேன்

	Tweet

என் நெஞ்சில்

முட்டாமல் கிட்ட வந்து 

முத்தங்கள் நூறு தந்து 

நிற்காமல் போகும் தென்றலாய்

*****

என்னையும் பார்க்காமல் 

என் கண்ணையும் பார்க்காமல் 

மண்ணையே பார்க்கும் வெக்கமாய் 

******

சொன்னதும் கேக்காமல் 

கேட்டதும் சொல்லாமல் 

பெண்ணென நெளியும் ஓடையாய் 

*****

மெல்லவும் முடியாமல் 

தின்னவும் முடியாமல் 

காதல் நெஞ்சில் சிக்கலாய் 

****

தப்பவும் முடியாமல் 

தப்பிக்கவும் நினைக்காமல் 

கையைகட்டி நிக்கிறாய்

என் நெஞ்சில் 

	Tweet

உன்னைத்தவிர

என்னையே 

நம்பிவந்திருக்கும்

உன்னைத்தவிர

வேறென்ன வேண்டும்

இந்த உலகைவெல்ல

	Tweet

மூச்சுகாற்று

அநியாயமாய் ஆடும்

இடையின் மேல் 

அழகாய் இருக்கும்

குடத்துக்குள் கிடக்கும்

கோயில் கிணத்து 

நல்ல தண்ணி 

துள்ளி குதிக்குதடி

என் இதயத்தை போல

குடம் முட்டவுமில்லை

தண்ணி சொட்டவுமில்லை

இடை ஆடுவதும் நிற்கவுமில்லை

என் இதயம் துடிக்கவுமில்லை

மட்டும் 

சூடாகிறதே

	Tweet

உயிரை கொடுப்பது

அனைவருக்கும் மேலான 

இறைவன்

அதை அநியாயமாய் பறிப்பது

அந்த இறைவனை கும்பிடும்

மனிதன்

	Tweet

உணர்வு

உடம்பும் செத்திடும் 

உயிரும் போய்விடும் 

உணர்வு ஒன்றே 

உறவாய் தொடர்ந்திடும்

	Tweet

காதல் என்றால் என்ன ?

காதல் என்றால் 

என்ன வென்று 

அறியும் முன்னே 

கால்தடக்கி

விழுந்து விட்டேன் 

உனக்குள் நானே

	Tweet

ஒரு முறை உன்னுடன் பேசிடவேண்டும்

ஒரு முறை உன்னுடன் பேசிடவேண்டும் 
மறுபடி கண்களை திறந்திடவேண்டும் 
ஒரு பிடி சோற்றினை உண்டிடவேண்டும் - என்
விரல்களை சூப்பியே கை கழுவிடவேண்டும்

	Tweet

கடிவாங்கியும் காதலிக்கிறேன்

ஆசைப்பட்டு துடிக்கும்
இதயத்தை
வெட்கப்பட்டு மறைக்கும்
தாவணிக்குள்
என் மூச்சுகாற்றின்
முத்தங்கள்

வேசமில்லா உன்கண்கள்
சிமிட்டுகின்ற சிரிப்பில்
பாசமுடன் பணிந்து
உதடுகுவிக்கும் சிவப்பில்
காயப்பட்ட என் இதயத்துக்கு
மருந்து

காற்றே இல்லாதபோது
ஆடிடும் உன் இடையில்
காயப்போட்டதுபோல் அசையும்
உன் சேலைத்தலைப்பில்
என் தேவதைக்கான
திருவாசகம்

கொலுசுமணிகள்
குழுங்கி ஆட
மூச்சுகாற்று வளைந்துவீச
பறந்தோடும் கூந்தல்
விருந்தாகும்
கண்களுக்கு

யாருமில்லா நேரம்
வெட்கம் மட்டும்
துணைவர
நான் கவ்விக்கொள்ளும்
இதழ்களில்
முளைத்தது உன்
முள்ளு பற்கள்

இது ஆசைப்பட்டு
கடித்ததா
அசையாமல் இருக்க
கடித்ததா - நான்
கடிவாங்கியும்
காதலிக்கிறேன்
பிடிவாதமாய்
உன்னை தான்

	Tweet

காதல்

இதயம் நினைப்பதை 

கண்கள் சொல்லும் 

உதடுகள் மட்டும்

அமைதியாய் இருக்கும் 

காதல்

	Tweet

துடிக்கிறது என் இதயம்

செம்புழுதி கால் பதித்து 

சீருடை நாம் அணிந்து 

கை கோர்த்து நடை பழகி 

எம் மண் மீது புரண்டெழும்பி 

பூவரசு இலை பறித்து 

பீ பீ எல்லாம் செய்து ஊதி

வயல் வரப்பில் ஏறும்புகடிக்க 

வாய்க்கால் பக்கம் ஓடி கழுவ 

எட்டுக்கோடு கிளித்தட்டு 

கிட்டிப்புள்ளு கிரிக்கெட்டு

பெட்டை பெடியள் சேர்ந்து விளையாடி 

சிரித்த பொழுது இன்னும் என் நெஞ்சில் 

ஆட்டிலறி குறிவைக்க 

ஆயுதங்கள் வெறிகொள்ள

ஊர் சிதறி ஓடி ஒழிந்து

எட்டு திக்கும் சிதறி வாழ்ந்தோம் 

பனையோரம் குந்தியிருந்து 

பால் குடித்த கிழடுகளும் 

பனை ஓலை பாயிலே 

படுத்துகிடந்த வயதுகளும் 

இன்னும் ஊரில் இருந்து புறு புறுக்க

நாம் மட்டும் ஓடி வந்தோம் தூர தேசம் 

இன்னும் என் காதில் அவலக்குரல் 

இன்னும் என்கண்ணில் சாவின் கோலம் 

இன்னும் என் கால்களில் குருதி சிதறல் 

நினைவுகளில் வந்தாலும் 

மறுபடியும் மண்மிதித்து

வைரவருக்கு மடைபரப்பி 

வயல் இரங்கி அறுவடை செய்ய 

துடிக்கிறது என் இதயம்

	Tweet

மனிதம்

மிச்சத்தை
கொடுப்பவன்
மனிதனை
நாயாய் பார்ப்பவன்

தனக்கு
வைத்திருப்பதை
கொடிப்பவன்
மனிதனை
மனிதனாய் பார்ப்பவன்

	Tweet

தமிழ்

தாயை மறப்பியா
தாய் தந்த பாலை மறப்பியா
தடக்கி விழுந்தாள்தான்
தமிழில் கதைப்பியா

	Tweet