உன் முத்த துகள்கள்
என் சட்டைப்பைக்குள்
எட்டிப்பார்க்க
ஒரு முத்தம் வாங்க
கஷ்டப்பட்டதை
எண்ணிவேர்க்க
மிச்சம் வைத்த
முத்ததுகள்களை
பொத்திவைத்து
நான்
கொஞ்சம் கொஞ்சமாக
அனுபவிக்கிறேன்
உந்தன் நினைப்பில்
| Tweet | |||||
12/30/2015
9/21/2015
இலக்கணம் இல்லா இரவுகளில்
அச்சடித்த புத்தகத்தில்
பச்சை குத்திய என்இதயம்
பார்த்தவுடன் கவர்வதில்
அட்டைப்படம் உன்வர்க்கம்
பக்கம் தட்டும் விரல்களில்
ஏங்கவைக்கும் உன் எண்ணம்
வளைந்தோடும் இடைவரியில்
விரிந்து கிடக்கும் கதையம்சம்
விமர்சனம் இல்லா பார்வையில்
முகவுரை சொல்லும் முத்தம்
இலக்கணம் இல்லா இரவுகளில்
இலக்கியம் படைத்திடும் என்விருப்பம்
| Tweet | |||||
வீட்டுக்கு அழகு பெண்ணிடம்
ஒரு சொட்டு நீர்த்துளி
உன் ஈரக்கூந்தலில் இருந்து
என் நெற்றிபொட்டில் பட்டுத்தெறிக்க
சோம்பலை முறித்து
கண்விழித்து பார்க்க
வட்ட பொட்டு உன் நெற்றியில்
வண்ணமாய் ஜொலிக்க
தாலிக்கயிறு கழுத்திலே
வட்டமாய் நெளிய
ஈரத்துணியினால்
கூந்தல் சுற்றிகட்டி
கழுத்திலே
மிச்ச குங்குமத்தை ஒற்றி
உதட்டிலே
சிரிப்பை மட்டுமே வைத்து
காதில் பிடித்துதிருகி
காலை வணக்கம்
சொல்லும்போதே
தோற்றுவிட்டேன் உன்னுடன்
வீட்டுக்கு அழகு பெண்ணிடம்
| Tweet | |||||
9/18/2015
வாடிக்கையான விடுமுறை
வளைந்தோடும் வீதியில்
நெடுந்தூர பயணம்
மகிழ்ந்தூரில் அவளும்
அழகான பாடலும்
சிலிர்க்கின்ற தேகமும்
சிரித்துகொண்டே காதலும்
நினைக்காத நேரத்தில்
நெஞ்சிலிலே அவள் ஸ்பரிசமும்
இசைகேற்ற தலையசைவும்
மலைகளிலே மர அசைவும்
மனசினிலே சிறகடிக்கும்
விடுமுறை நாள் விருந்தளிப்பும்
ஓரக்கண் பார்வைகளும்
வீதி சமிஞ்சை குளம்புவதும்
விபத்து நடக்க வழியிருந்தும்
வீதி ஒழுங்கை நினைப்பதும்
மாட்டி கொண்ட இதையங்கள்
மகிழ்வுடனே பறப்பதும்
காவல்துறையை கண்டதும்
நல்லவர் போல் நடிப்பதும்
மாதமொரு விடுமுறையால்
மகிழ்ச்சியிலே திளைப்பதும்
மகிழ்ச்சியில் திளைத்ததை
அடுத்த மாதம்வரை நினைப்பதும்
அவசர உலக வாழ்கையிலே
வாடிக்கையான விடுமுறையே
| Tweet | |||||
9/16/2015
மாலை சூடும் நேரம்வரைக்கும்
நிமிடம்தோறும் உந்தன்நினைப்பு
நினைத்து நினைத்து எனக்குள்சிரிப்பு
பட்டாம் பூச்சி இதயத்துடிப்பு
பார்க்க துடிக்கும் அன்பின் அணைப்பு
கிட்ட வந்தால் வெட்க்கப்படுவேன்
எட்ட சென்றால் ஏங்கி தவிப்பேன்
மூச்சு முட்ட காதல் கொள்வேன்
சொல்ல முடியாமல் குழம்பி நிப்பேன்
கண்ணை பார்க்காதே நாணம் கொள்வேன்
கண்ணால் பார்க்காதேஉருகி வடிவேன்
கட்டி பிடிக்காதே தேகம் குழைவேன்
கரைகள் படியாமல் காத்து கிடப்பேன்
மாலை சூடும் நேரம்வரைக்கும்
மணவறைக்கோளம் காணும்வரைக்கும்
விடுமுறை இல்லா வெட்கம் கொள்வேன்
விரும்பியே உன்னை தள்ளிவைப்பேன்
| Tweet | |||||
9/14/2015
9/11/2015
மொட்டை போட்டுவிட்டாய்
கூந்தல்
கலைத்து விளையாடும்
தென்றல் காற்றாய் - உன்
பின்னாலே வந்தேன்
நீ
கூந்தலே வேண்டாமென்று
வெட்டிவிட்டாய்
என் காதலுக்கு
மொட்டை போட்டுவிட்டாய்
| Tweet | |||||
9/09/2015
வெட்க்கமின்றியே பறக்கிறேன்
விடுமுறை நாள்
அதிகாலை
துயில் கொள்ளும்
கட்டிலின் மேலே
இரு கைகளுக்குள் - நீ
குழந்தைபோல
வெட்கப்பட்டு சிரிக்கிறாய் - நான்
வெட்க்கமின்றியே பறக்கிறேன்
| Tweet | |||||
9/08/2015
என் நெஞ்சில்
முட்டாமல் கிட்ட வந்து
முத்தங்கள் நூறு தந்து
நிற்காமல் போகும் தென்றலாய்
*****
என்னையும் பார்க்காமல்
என் கண்ணையும் பார்க்காமல்
மண்ணையே பார்க்கும் வெக்கமாய்
******
சொன்னதும் கேக்காமல்
கேட்டதும் சொல்லாமல்
பெண்ணென நெளியும் ஓடையாய்
*****
மெல்லவும் முடியாமல்
தின்னவும் முடியாமல்
காதல் நெஞ்சில் சிக்கலாய்
****
தப்பவும் முடியாமல்
தப்பிக்கவும் நினைக்காமல்
கையைகட்டி நிக்கிறாய்
என் நெஞ்சில்
| Tweet | |||||
9/07/2015
யாயும் ஞாயும் யாராகியரோ
வழி அனுப்பிவிட்டு
வாசலில் விழிகரைந்து
நிற்பதும்
வாசல் வரும்முன்னே
ஆயிரம் முத்தங்கள்
தருவதும்
உயிர் உள்ளிருந்து
வெளியில் செல்வதுபோல்
நினைப்பதும்
அனுப்பி விட்டு
நினைவு தோட்டத்தில்
மலர் பறிப்பதும்
அப்பப்ப சிரிப்பதும்
அழகான படங்கள் எடுத்து
பார்ப்பதும்
அலை பேசியில்
நொடிக்கொரு முறை
தகவல்கள் சொல்வதும்
வீடு திரும்பும் வேளை
ஓடிவந்து கட்டி
அணைப்பதும்
குட்டி பூனைபோல்
என் கால்களுக்குள்ளே
நிற்பதும்
"யாயும் ஞாயும் யாராகியரோ
எந்தையும் நுந்தையும் எம்முறைக் கேளிர்
நீயும் யானும் எவ்வழி அறிதும்
செம்புலப் பெயல் நீர்போல
அன்புடை நெஞ்சந்தாங் கலந்தனவே"
| Tweet | |||||
9/04/2015
என் காலை உணவு
மூன்று செத்தல் மிளகாய்
நான்கு சின்ன வெங்காயம்
ஐந்து தேங்காய் சொட்டு
ஆறு கருவப்பிள்ளை
கொஞ்சம் உப்புவைச்சு
அம்மியில் அரைச்ச சம்பல்போல
சிவந்திருக்கும் உன் சொண்டை
கடித்துக்கொண்டே முடிக்கவா
என் காலை உணவை
| Tweet | |||||
9/03/2015
9/02/2015
கோவில் கதவு
ஆறுகால பூசையில்லா
காதல் கோவில்
பாத கொலுசு
பூஜை மணியாக
முத்த துகள்கள்
தீர்த்த துளியாக
அள்ளிகொடுக்கும் ஆண்டவனாய்
நீ
அள்ளி எடுக்கும் பக்தனாய்
நான்
கோவில் கதவு
எப்பொழுதும் பூட்டுதான்
| Tweet | |||||
9/01/2015
காலைப்பொழுதுகளெல்லாம்
நீ
நீராடிய பின்
தீர்த்தமாடும்
உன் கூந்தல் முடியில்
ஒரு சொட்டு நீர்த்துளி
என் கன்னத்தில் பட்டு
நான் துயில் எழும்பும்
காலைப்பொழுதுகளெல்லாம்
உனக்கு மறுகுளியல்தான்
| Tweet | |||||
8/31/2015
நதி ஒன்று சேலைக்குள்
நதி ஒன்று
சேலைக்குள்
நெளிகிறது வளைகிறது
என் இதயமும் இரு விழிகளும்
தென்றல் உரசிடும்
தேகத்தை மறைத்திடும்
சேலைக்குள்
வெட்கத்தின் குவியலாய்
என் காதல்
பறக்கின்ற தாவணியில்
சிலிர்க்கின்ற தேகத்தில்
ரகசியம்தேடும் காற்றுடன்
நானும் சேர
வளைகின்றது நதியாய்
சேலை தேகத்தில்
நெளிகின்றது இடை
இடைவிடா போரட்டத்தில்
நடைமட்டும் காட்டி
கொடுத்துவிட்டது - என்
காதலை
| Tweet | |||||
8/28/2015
சந்தோசத்தில் பயணிக்கிறேன்
மேனியை தொட்டும் தொடாமலும்
பட்டுச்செல்லும் இதமான
இனிய காலைப்பொழுதில்தான்
என் தேவதைக்கான நேரம்
குறிக்கபட்டிருந்தது
என்ன சந்தோசம்
குயில்களும் குட்டி குருவிகளும்
மலர்களும் வஞ்சனை இல்லாமல்
முகத்தை மலர்ந்தே வைத்திருந்தன
பேருந்து தரிப்பிடத்தில்
தனியாகத்தான் காத்திருந்தேன்
அனாலும் நான்
தடக்கி விழுந்துவிட்டேன்
சில்லென்ற மெல்லிய காற்று
முகவுரை வாசிக்கும்போதும்
நான் கேட்க்கவில்லை
பரவாயில்லை என் நெஞ்சுக்குள்
நீ முழு உரையையும் வாசித்துவிட்டாய்
இதுவரை என் மனதினில்
தோன்றாத வரிகளை தோன்றவைத்தாய்
நீ அழகிதான் இருந்தாலும்
மலர்களும் முழு நிலவும் உன்னுடன்
போட்டி போட்டு நிக்கின்றன
இருந்தும் உன் சிரிப்பால்
அனைத்தையும் கொள்ளையடித்துவிடுகிறாய்
அது போதும் எனக்கு
நான் ஆனந்தப்பட
இருந்தாலும் திமிர்பிடித்த
உன் கூந்தல்கள்
அங்கும் இங்கும் ஆடும்போது
எனக்கு நெஞ்சுக்குள் பயம்தானடி
பேரூந்தும் வந்துவிட்டது
இன்றும் நான் மௌனித்த நினைவுடனே
ஆனாலும் போராடாமல்
உன் பார்வை ஒன்று கிடைத்த
சந்தோசத்தில் பயணிக்கிறேன்
| Tweet | |||||
8/26/2015
தவிக்காமல் தவிக்கின்றேன்
விழுந்து தெறிக்கும் மழைத்துளியில்
எழும்பி குதிக்கும் நீர்த்துளியாய் - உனை
நினைத்து துடிக்கும் என் இதயம்
குடை கொண்டுவந்து
காகித படகொன்றுவிடும்
குட்டி குழந்தையைப்போல் என் காதல்
இலைகள் வருடி இதமாய் ஒழுகி
மலர்களில் முட்டும்மழைத்துளியாய்
என் உள்ளம்
சிறு எறும்பு ஒன்று ஊர்ந்து
காய்ந்த நிலமொன்றை தேடும்
நீண்ட பயணம் போல்
என் பார்வை
நீ நனைந்திட்ட மலராய்
தலை குனிந்திட்டபடியே
மின்னுகின்றாய் கண்களாலே
இடி இடிக்காத குறையாய்
இதயத்தில் வெடிக்க
தலை துவட்டாமல் திரிகிறாய்
மழை நாளில்
நிலை கம்பிகள் தடுக்க
யன்னலின் பின்னால
உனை ரசிக்கின்றேன் தேவி
தேவி ஸ்ரீ தேவி
உந்திருவாய் மலர்ந்தொரு
வார்த்தை சொல்லிவிடமா
ஒலிக்காமல் ஒலிக்கின்றது
மனதில்
நான் தவிக்காமல் தவிக்கின்றேன்
தனி அறையில்
| Tweet | |||||
வரவுக்காய் காத்திருக்கும் காதலி
மணமோடு குணம்தரும்
சமையலறையில் – உனை
விருந்தோம்பி சுவைகான
தேடுகின்றேன்
மலரோடு மணம்தரும்
சாமியறையில் – உனை
மணவாளக்கோலத்தில்
தேடுகின்றேன்
உடலோடு நீர்தழுவும்
குளியலறையில் – எனை
உடையோடு நீபார்க்க
வேண்டுகின்றேன்
உடைமாற்றி துயில்கொள்ளும்
துயிலறையில் – எனை
தூங்காமல் தாங்கிநிக்கும்
தாயக தேடுகின்றேன்
வந்தோரை வரவேற்க்கும்
வருகை அறையில் – உன்
வரவுக்காய் காத்திருக்கும்
கதிரையாகிறேன்
| Tweet | |||||
8/24/2015
இப்படிக்கு இதயம்
உயிராக காத்திருக்கும்
காதலுக்காய்
உயிர்விட காத்திருக்கிறேன்
இப்படிக்கு இதயம்
எழுதிக்கொள்வது ஏமாற்றத்துக்கு
| Tweet | |||||
8/19/2015
நான் தாயாக தயாராய் இருக்கிறேன்
கண்மூடிய இரவுகளில்
உன் கைஅரவணைப்பில்
நான் தூங்க
மூசுகாற்று முட்டித்தெறிக்க
முழு உடலும் உனை தழுவ
நெஞ்சினிலே வீணி வடிந்தோட
திடுக்கிட்டு நான் எழும்பும் நேரத்திலும்
இரவிரவாய் வாய் புசத்தும் நேரத்திலும்
தலையை தடவி தூங்கவைக்கும்
உனை நம்பி
நான் தாயாக தயாராய் இருக்கிறேன்
| Tweet | |||||
8/17/2015
முதமில்லாமல் மிச்சமில்லை
தென்றல் இல்லாமல்
தீண்டல் இல்லை
தீண்ட தெரியாமல்
காதல் இல்லை
கண்கள் இல்லாமல்
பார்வை இல்லை
பார்க்கதெரியாமல்
பாவை இல்லை
பெண்மை இல்லாமல்
மோகமில்லை
மோததெரியாமல்
காமம் இல்லை
கொஞ்ச தெரியாமல்
முத்தம் இல்லை
முதமில்லாமல்
மிச்சமில்லை
ஹா ஹா ஹா
| Tweet | |||||
8/14/2015
கண்ணை மூடுகிறேன் காதல்கொள்ளு
நெஞ்சம் முழுக்க உன்னை நினைத்து
பஞ்சு மெத்தையில் படுத்தாலும்
கண்கள் மூட மறுக்கிறது
கனவு என்னை கலைக்கிறது
செங்கமல இதழ்விரித்து
சொல்லுகின்ற வார்த்தை ஒன்றை
கண்கள் தேடி அலைகிறது – இது
காதல் என்று புரிகிறது
பிஞ்சு விரல்கள் பட்டதுமே
அஞ்சி சுருங்கும் இடை எனது
உன் பத்து விரல் படுவதற்காய்
பாய்விரித்து கிடக்கிறது
கொஞ்ச நேரம் என்னைப்பார்த்து
கொஞ்சி குலாவ நேரம் ஒதுக்கு
உந்தன் இதய கோவில் வாழும்
தெய்வமன்றோ நான் உனக்கு
சிவனும் சக்தியும் இமையமலையில்
அர்த்தனா தீஸ்வரராய் உந்தன் மடியில்
கற்ற வித்தை மொத்தம் இறக்கு
கண்ணை மூடுகிறேன் காதல்கொள்ளு
| Tweet | |||||
8/12/2015
என் காதலுக்காக
சில்லறை தெளித்தது போல்
மெல்லிய மழைத்துளி
பேரூந்தின் யன்னனில்
பட்டுத்தெறிக்க
அவசரத்தில் ஏறி
உனக்கென்றொரு இடம்பிடித்திருந்து
கண்ணுக்கு மை பூசுகின்றாய்
தோகை மயிலாய்
விரிகின்ற உன் கூந்தல்
என் முகத்தில் படுவது தெரியாமல்
அழகாக்குகின்றாய் உன்னை
பேரூந்தில் பின்னால் வருவது
நான் என்று தெரியாமல்
சொல்லிவிடு உலக அழகு
அத்தனையும் கொட்டிவிடுகிறேன்
உன் காலடியில்
என் காதலுக்காக
மெல்லிய மழைத்துளி
பேரூந்தின் யன்னனில்
பட்டுத்தெறிக்க
அவசரத்தில் ஏறி
உனக்கென்றொரு இடம்பிடித்திருந்து
கண்ணுக்கு மை பூசுகின்றாய்
தோகை மயிலாய்
விரிகின்ற உன் கூந்தல்
என் முகத்தில் படுவது தெரியாமல்
அழகாக்குகின்றாய் உன்னை
பேரூந்தில் பின்னால் வருவது
நான் என்று தெரியாமல்
சொல்லிவிடு உலக அழகு
அத்தனையும் கொட்டிவிடுகிறேன்
உன் காலடியில்
என் காதலுக்காக
| Tweet | |||||
8/10/2015
இன்னும் நான் உன் நினைப்பினிலே
பனிவிழும் இரவினில்
தனி ஒரு கதிரையில்
கறுத்த கோப்பி கோப்பையில்
என் நெஞ்சம் முழுக்க
உன் நினைப்பினிலே
களைத்து விழுந்து வீடு வந்து
உடைகள் களைந்து
குளித்து எழுந்து
தலையை துவட்டும் போதும் - நான்
உன் நினைப்பினிலே
பகல் முழுக்க வேலை செய்து
இடைவேளையில் உணவு உண்டு
கை விரலை கழுவும் போதும்
உன் கைபிடித்து இன்னும்
என் நினைப்பினிலே
சின்ன சின்ன சிரிப்பொலிகள்
நெஞ்சினிலே கிச்சு கிச்சு மூட்ட
சோம்பல் முறிந்து விழுந்த என்னை
தூக்கிவிட்டு வணக்கம் சொன்னது
இன்னும் என் நினைப்பினிலே
நினைக்கின்ற நேரமெல்லாம்
சிரிக்கின்றாய் நெஞ்சினிலே
சிரிக்கின்ற நேரமெல்லாம்
நினைக்கின்றேன் நெஞ்சினிலே
இன்னும் நான் உன் நினைப்பினிலே
| Tweet | |||||
8/05/2015
8/03/2015
7/31/2015
அம்மா அப்பா
செவ்வாய் வியாழன் வெள்ளி
அம்மா விரதம் இருப்பது
செலவை குறைக்கத்தான் என்று
தெரியவில்லை
பள்ளி உடுப்பை மட்டும்
வெளியில் கொடுத்து வெளுப்பது
அழகுகன்றி படிப்புக்குதான் என்று
தெரியவில்லை
அடுத்த திபாவளிக்கு தான் இனி
புது உடுப்பு என்றபோது
அப்பா காசை சேமிக்கிறார் என்று
தெரியவில்லை
எதனை பலூன் என்று கேக்காமல்
எந்த பலூன் வேண்டும் என்று
கேக்கும்போது ஒளிந்திருக்கும் வறுமை
தெரியவில்லை
உடம்புக்கு முடியல திருவிழாக்கு
நான் வரல என்றபோது - அம்மாக்கு
சேலைவாங்க காசில்லை என்பது
தெரியவில்லை
ஒன்றுமே தெரியாமல்
அப்பாக்கும் அம்மாக்கும்
ஒன்றுமே தெரியாதென்று
நண்பர்களிடம் சொன்னபோதும்
ஒன்றுமே தெரியாததுபோல்
இருவரும் இருந்ததும்
தெரியவில்லை
கஷ்டபட்டு உளைச்ச
முதல் சம்பளத்தில்
அம்மாக்கும் அப்பாக்கும்
பார்த்து பார்த்து
உடுப்பு வாங்கும்போது
எல்லாமே புரிகிறது
| Tweet | |||||
7/30/2015
7/29/2015
ஆயுள் வரை துடிக்குதடி
சீவி வைத்த அப்பிள்தோல்போல்
மேனி முழுக்க மினுங்குதடி
உரித்து வைத்த உள்ளியைப்போல்
கண்கள் இரண்டும் சிமிட்டுதடி
கடித்து வைத்த மிளகாய்போல்
உதடு இரண்டும் சிவக்குதடி
இழுத்து வைத்து முத்தமிட்டாலும்
உறைக்கவில்லை இனிக்குதடி
அவித்து வைத்த அரிசியைப்போல்
ஆவி எழும்பி பறக்குதடி
இறக்குவித்த குழம்பை போல்
இதயம் ஏனோ கொதிக்குதடி
பொரித்து வைத்த அப்பளம்ப்போல்
வார்த்தை எல்லாம் நொருங்குதடி
குழைத்து நான் தின்றாலும்
உறைக்கவில்லை இனிக்குதடி
கழுவிவைத்த கோப்பையைப்போல்
கைகள் இரண்டும் குளிருதடி
பெருக்கி எடுத்த குப்பையைப்போல்
மூச்சு காற்று பறக்குதடி
துடைத்து வைத்த மேசையைப்போல்
இடை நெளிந்து சிரிக்குதடி - உனை
அணைத்தெடுத்து ஆட்கொள்ள - உயிர்
ஆயுள் வரை துடிக்குதடி
| Tweet | |||||
7/27/2015
ஒரு தாய் மடி கொடு
கவலை
எதிர்பார்ப்புக்கள்
ஏமாற்றமானபின்பு
எதிர்பர்காமலேயே வருகிறாயே
தேவையானவர்கள்
காயப்படுத்தியபின்பு
தேவை இல்லாமலே வருகிறாயே
விருப்பமானவர்கள்
வெறுக்கின்றபோது - நான்
விரும்பாமலேயே வருகிறாயே
காயங்கள் வந்தாலும்
ஏமாற்றம் நடந்தாலும்
சிரிக்க வேண்டும் நான்
கவலையே இலவச கவலையே
தேவை இல்லை நீ போய்விடு
இறைவா என் கவலை தீர்க்க
ஒரு தாய் மடி கொடு
| Tweet | |||||
7/23/2015
அகதி வாழ்க்கை வெளிநாட்டில்
வீடு மேலே கூடு கட்டி
கூடுக்குள்ளே குஞ்சு பொரிச்சு
பாசத்துடன் வளர்த்துவரும்
குருவிபோல இருந்த வாழ்க்கை
கூடு உடைஞ்சு குருவிபறந்து
தேசமெங்கும் சிதறி வாழ்ந்து
பாசத்துக்கை ஏங்கி தவிக்கும்
தனிமை குயில் ஆனதேனோ
சின்னஞ்சிறு வீட்டுக்குள்ளே
சில்லறையாய் நாலு அரிசியுடனெ
கஞ்சி குடித்து வாழ்ந்த காலம்
பஞ்சு மெத்தையில் கிடைத்திடுமோ
சொந்த மண்ணில் முள்ளு வேலி
சொந்தங்களுக்குள் சண்டை போட்டி
சொந்தமாக வீடிருந்தும்
அகதி வாழ்க்கை வெளிநாட்டில்
| Tweet | |||||
7/20/2015
என் விடிவு உந்தன் கைகளிலே
நிமிட முள்ளு குத்துதடி
உனக்காக காத்திருக்கும்வேளையிலே
தொலைபேசிக்கே வலிக்குதடி
உன் குறுந்தகவல் காணும்வரை
விடியும்வரை காத்திருக்கிறேன்
நிலவு கூட மறையுதடி
நான் சிரிக்காமல் இருப்பது
நீ செய்த வேலையடி
கனவு கூட கண்டுவிட்டேன்
கண் இமைக்கா வேளையிலே
காதல் மட்டும் கூடவில்லை
நான் என்ன செய்வேன் காதலியே
விடைகூட சொல்லவில்லை - நீ
விரும்புகிறாயா என்றும் தெரியவில்லை
இரவுடனே களிக்கின்றேன்
என் விடிவு உந்தன் கைகளிலே
| Tweet | |||||
7/17/2015
திடீரென உயிர்க்கிறேன்
திடீரென உயிர்க்கிறேன்
உயிர் வரை வலி சென்று
விழி வளி நீர் வந்து
கனவுகள் எனை மறந்து
நினைவுகள் நிலை குளைந்து
தரையினில் கிடக்கிறேன்
இருந்தும்
தினம் உனை நினைக்கிறேன்
| Tweet | |||||
7/13/2015
நான் தனிமையிலே தவிக்கிறேன்
என்னோடு கதை பேச
வாராயோ வெண்ணிலவே
என் தலையணைகள் ஈரமாகுது
நீர் வடியும் கண்களாலே
காதல் என்பது பிறந்ததே
அன்பு கொண்ட பெண்களாலே
அந்த காதலுக்காய் நீதிகேட்டு
வந்து நிக்கிறேன் உன் முன்னாலே
உன்னை போல் நானும்
அழகு என்று சொன்னதாலே
இதையத்தை நழுவவிட்டேன்
அவனிடம் என் கைகளாலே
ஒளிதரும் நிலவாய் இருந்தேன்
அவன் உலகினிலே
இன்று
இருட்டடித்து சென்றுவிட்டான்
என் இனிய வாழ்வினிலே
என்னோடு கதை பேச
வாராயோ வெண்ணிலவே
நான் தனிமையிலே தவிக்கிறேன்
பதில் சொல்லையோ வெண்ணிலவே
| Tweet | |||||
7/10/2015
உயிர் பிரிந்தபின்பும்
நினைக்கவில்லை
நீ என்னைவிட்டு செல்வாய் என்று
நினைக்கவில்லை
என் இதையதையும்
கொன்று எடுத்து செல்வாய் என்று
நினைக்கவில்லை
என் காதல் என்னிடம்
இப்பொழுது இல்லை என்று
நினைக்கவில்லை
கண்கள் முளித்திருக்கும்போதே
இறந்துவிட்டேன் என்று
ஆனாள்
நினைத்திருக்கிறேன்
உன்னை மட்டும்தான் - என்
உயிர் பிரிந்தபின்பும்
| Tweet | |||||
7/03/2015
துடிக்குது இதயம்
ஏனோ தெரியல
ஆசையா இருக்கு
பேச
மீசை குத்திய
முகம் சிகப்பாய்
மாற
கண்கள் நான்கும்
ஒன்றாய்
சேர
துடிக்குது இதயம்
உன்னை மட்டும்
காண
| Tweet | |||||
6/22/2015
அப்பா என்றால் மரியாதைதான்
அப்பா
தனக்கு பிடிக்கவில்லை என்றாலும்
பிள்ளைகளுக்காய் தலையாட்டும் குணம்
அம்மாவையே வெறுக்கவைக்கும்
யாரோவாக இருந்து
என்னை கட்டிய கணவனுக்கே
வெட்கப்படாமல் முத்தம்
கொடுக்கும் போது
என்னை பெத்த அப்பா மடியேறி
முறுக்கு மீசையை
கையால் முறுக்கிவிட்டு
முத்தம் கொடுக்க ஆசை
இருந்தும்
அப்பா பயம் போகவில்லை
அப்பா என்றால் மரியாதைதான்
| Tweet | |||||
6/12/2015
6/05/2015
6/01/2015
நிஜமாக ஒரு காதல்
நிழலோடு நீ நடக்க
உன்னோடு நான் நடக்க
மனதோடு ஒரு வார்த்தை
மறக்காமல் சொல்வாயா
இடையோடு உடை ஆட
உடையாமல் நான் பார்க்க
நெளியாமல் ஒரு முத்தம்
அலுக்காமல் தருவாயா
விரலோடு விரல் கோர்த்து
விழியோடு விழி சேர்த்து
புரியாத புதிருக்கு
பதில் ஒன்று சொல்வாயா
இரவோடு இருள் சேர
கனவோடு நான் சேர
நிஜமாக ஒரு காதல்
உயிராக தருவாயா
| Tweet | |||||
5/29/2015
பக்கத்தில் வந்தாலே
பக்கத்தில் வந்தாலே
முத்தத்தில் நனைகிறேன்
வெக்கத்தில் வீழ்ந்து -நான்
சொர்க்கத்திக் சாகிறேன்
மிச்சங்கள் வைக்காமல்
மச்சங்கள் எண்ணுகிறாய்
மொத்தத்தில் பிடிச்சிருக்கு - உன் மூச்சு
சத்தத்தில் வாழ்வுகொடு
முத்தத்தில் நனைகிறேன்
வெக்கத்தில் வீழ்ந்து -நான்
சொர்க்கத்திக் சாகிறேன்
மிச்சங்கள் வைக்காமல்
மச்சங்கள் எண்ணுகிறாய்
மொத்தத்தில் பிடிச்சிருக்கு - உன் மூச்சு
சத்தத்தில் வாழ்வுகொடு
| Tweet | |||||
Subscribe to:
Posts (Atom)