தொட்டு உன்னை எழுப்புவேன்

காலையில் கதிரவன்

எழ முன்பே

கண்முளிப்பேன்

உன் முகம் முன்பே

கண்கள் மூடிய

உன்முகத்தை

நெஞ்சில் பதித்துவிட்டு

சொண்டில் சிரிப்புடன் செல்வேன்

காலை தேநீரை கையிலெடுத்து

சேலை தலைப்பால் பொத்திவைத்து

கட்டிலருகே வந்து நின்று

தொட்டு உன்னை எழுப்புவேன்

கண்கள் முழித்து எழும்பி

என்னை பார்த்து சிரித்து

எந்தன் கையால் தேநீர்வாங்கி

எனக்கே நீ பருக்கிவிடுவாய்

இந்த தருணம் ஒவ்வொருநாளும்

கிடைக்கவேண்டும் என்றெண்ணி

கடவுள்முன் கைகூப்பி

கலங்கி மன்றாடி நிக்கிறேன்

	Tweet

அழியாது தமிழின் ஈரம்

எலும்புகள் பொருத்தபட்ட

விலங்கிலும் கேவலமான

உருவங்கள்

மூச்சு விட முயற்சித்தாலும்

துப்பாக்கி முனையில் விசாரிக்கும்

சுதந்திரம்

வீடிருக்கு வேலியிருக்கு

வீட்டுக்குள்ளே யாருமில்லா

குடும்பங்கள்

ஊணமாக்கி முடமாக்கி

ஊர்க்காவலை பலமாக்கும்

ஆட்சியாளர்

உருக்குலைந்த பூமியினை

உக்கிரமாய் காவல்காத்து

அர்த்தம் என்ன

அண்ணனின் பெயருக்கே

அரைவாசி நிதி ஒதுக்கும்

அரசாங்கம்

என்னத்தை சாதித்தாலும்

என்றைக்கும் அழியாது

தமிழின் ஈரம்

	Tweet

உறவுக்கு பெயர்தான் காதலே

வீசுதே தென்றல் வீசுதே

வாசலில் அவள் பொன்முகம்

கூசுதே கண்கள் கூசுதே

அவள் பார்வையில் – என் இரு கண்களே

வயலோரம் ஒன்றாய் திரிந்தோம்

வயதாகியும் பிரியா நின்றோம்

இளவட்டம் ஆன பின்பும்

இணைந்தேதான் கதைகள் சொன்னோம்

குழலோடு பீ பீ செய்து

குயிலுக்கு பாட்டு தந்து

விரலோடு விரல்கள் கோர்த்து

விளையாடி திரிந்து வந்தோம்

நாணம் கொள்ளும் அழகையும்

வெட்கம் கொள்ளும் விதத்தையும்

கற்றுக்கொண்டால் என்னிடம்

நான் சொக்கி நின்றேன் பெண்ணிடம்

பேசும் போது அழகுதான் – அவள்

பேசா நின்றால் அழுகைதான்

வேசமில்லா விருப்பத்தை

வெட்கமின்றியே சொல்கிறாள்

தோளோடு தோள் சாயவில்லை

தேகங்கள் இன்னும் முட்டவில்லை

காதோடு ஓடி வந்து

காதலென்று சொல்கிறாள்

ஒன்றாக ஊர் சுற்றினாலும்

உன்னோடு மட்டும்தானே

என்னோடு நீ வந்தாலென்ன – இந்த

உறவுக்கு பெயர்தான் காதலே

	Tweet